Login

ثقة النفس ازاي تحصل عليها واهميتها لكل واحد فينا – بشكل عملي

ثقة النفس ازاي تحصل عليها واهميتها لكل واحد فينا – بشكل عملي

ثقة النفس – بشكل عملي هي مناقشة النهاردة عن اهم خطوات الثقة بالنفس – بشكل عملي لكل واحد فينا ، واهم الاسباب اللى نقدر نوصل بيها للهدف اللى بنتمناه سواء شخصي أو في شغلك.


البعد عن التوتر

أول حاجه لازم كلنا نعملها ونخليها عادة فى حياتنا هى ( البعد عن التوتر ) ودا لأن التوتر هو أكبر الاسباب اللى بتخلينا ناخد قرارات سريعة وخاطئة ومن هنا يبدأ الفشل نظرا لعد ثقة النفس.

ودا لأن التوتر بيخليك تفقد تركيزك عن هدفك الاساسى مش بس كدا دا كمان بينسيك كل مهاراتك وخبرتك ، وبالتالى بتفقد السيطرة على نفسك وعلى الامور من حواليك ومن هنا يبدأ التصرف الخاطىء فى كل شىء حتى فى أبسط قرارات حياتك.

كمان التوتر على المستوى الشخصى والعائلى سىء جدا ، لأنه بيعمل دائرة حواليك تمنعك عن الاختلاط السليم بمن حولك من العائلة أو أصدقائك وأحبائك وبتلاقى نفسك بدأت تدريجياً فى البعد عنهم وعدم التناغم بينهم ، لان التوتر فى الحالة دي دفعك للعزلة والوحدة فى حالة هيام تام عن الواقع الطبيعي ، وكل افكارك بتكون مشتته بين الفظاعه واليأس.


فكر في الاسؤ ديماً لكن خليك متفائل و إيجابي لتحقيق النجاح

هنا بقا مش المقصود انك تكون متشائم ولا مطلوب منك تكون تفكر وتخطط لاسوأ حاجه ويس وكأن كل اللى بيحصل فى حياتك الانتقال من فشل إلى كارثة إلى فشل…

لا ولكن المقصود هو انك تكون شديد الحرص والخبرة وواخد كل احتياطاتك فى كل شىء فى حيانك ، يعني تعمل كل اللى عليك وتتوكل على الله سبحانه وتعالى وتشتغل وتجتهد عشان توصل لهدفك ، ولأن الحياة ليست جميلة سهلة توقع دائما انك هتقع فى مشاكل وازمات لذلك دايما احرص على انك تكون مجهز نفسك لمواجهة اى مشكلة تقابلك او اى عقلة تظهر فى طريقك فجأة .   وقديمأ قالوا : ” الوقاية خير من العلاج”


خلي عندك ديماً حل تاني لكل حاجة

وزى ما قولنا من شوية انك لازم تكون متوقع حدوث مشكلات فى حياتك لازم يكون عندك دايما المرونة للتعامل مع هذه المشكلات والعقبات ، احرص دائما على ان يكون لديك خطة بديلة تعدي بيها الصعاب اللى تقابلك.

وخليك فاكر دائما ان مش كل مشكلة بتكون حلها من وجهة نظرك وبس ، تابع الصورة وانت تعرف ان كل واحد له حل من وجهة نظرة وعليك تختار الحل الانسب اللى هيتوافق مع تحقيق مصلحتك وعدم ايزاء الغير.


ابعد عن الخرافات و كلمة (بيقولو) لانها اول توقفات النجاح

للأسف من اكتر المواقف والعقبات اللى بتقابلنا فى حياتنا كلمة “بيقولوا” دايما هتلاقى ناس بتحبط منك شوية وتضيع وقتك كتير وتاخد من تركيزك واهتمامك لكلام ملوش اى اهمية نهائياً غير حباً للنميمة والكلام على الغير.

احرص دايما انك تبعد عنهم ومش تختلط بمثل هذه الامور لان مصيرها بيكون دايما شر ، إما :-

  • هدفهم نزع وتشتيت تركيزك عن حياتك اللى بيحقدوك عليها.
  • تقليل ثقتك من نفسك والاحباط من عزيمتك
  • العمل على نشر الاشاعات بك ومعك “مرض نفسى”
  • اهداف تانية حسب وضع كل منا فى عمله او حياته

حط لنفسك كل ( سنة – شهر – اسبوع – يوم ) اهداف واضحة قابلة للقياس و التحقق و حاول تحققها للوصول للنجاح

عشان نبقى عمليين وناس بتعرف تحقق اهدافها ، لازن نؤمن بأن فى فرق كبير بين التوكل على الله سبحانه وتعالى وبين التواكل ، وعشان نتوكل على الله لام نبدأ بالاخذ بالاسباب واللى اهما اننا نقسم اهدافنا الى اهداف صغيرة يومية واسبوعيه وشهرية ، ودا هيساعدنا كتير للقرب من تحقيق اى هدف سواء فى الشغل او الحياة الشخصية او العائلية ، بمعنى اصخ ومن الاخر  “ليست الاحلام بالتمني ولاكن تأخذ الدنيا غلابا”.

وعشان نعمل دا لازم تعرف كويس وتراجع نفسك اى اهم  الاهداف اللى عايز تحققها الاول وايه ممكن يخلص فى يوم وايه يخلص فى اسبوع وايه يخلص فى شهر. ومن هنا هتلاقى نفسك ابتديت تلتزم تلقائيا على الطريق الصحيح نحو حياة افضل ونجاح مبهر.

ودا فيديو بسيط لمدريب التنمية البشرية ستيفن ار كوفى مؤلف كتاب العادات السبع للناس الاكثر فعالية بيوضح فيه اهمية تقسيم الاهداف بشكل يومى وشهرى.


خلي بالك من صحتك (الشغل و التنطيط مش هينفعوك لو وقعت)

انت تملك 5 كرات مهمة جدا وتكون حياتك بشكل اساسي.

الكرات هي: شغلك وعائلتك وصحتك وربك وحالتك النفسية.

الان انت تعمل بجد وتجتهد طوال حياتك للحفاظ على هذة الكرات ليكملوا دوران مثلما يلعب بعم البهلوان فى السيرك دون ان تقع اى واحده منهم او تفقد اى قيمتها من حياتك. لكن الاهم من كل هذا انك لم تلاحظ ان الكرات الخمس مطاطية إلى ( الصحة ) كرة من زجاج.

لذلك اى كرة تفقدها من حياتك وتقع على الارض ستردت لك بمجرد استعادة تركيزك والاهتمام بها ، إلا صحتك إذا وقعت ستنكسر ولن تستردها. براين دايسون – الرئيس التنفيذي لشركة كوكاكولا خلال كلمة ألقاها بحفل تخرج بمعهد جيورجيا للتكنولوجيا.


اعرف ناس ناجحة و افتكر ديما مقولة (الصاحب ساحب)

دايما خلى بالك وانت بتنقى الناس اللى حواليك ، اصحابك معارفك زملائك واصدقائك.

واتأكد ان شخصيتك وعاداتك بتتأثر بشكل كبير اثناء تكوينها بالناس المحيطين بك ، فصاحب الناجحين والمحترمين تكن مثلهم.


حب ( نفسك ، الناس ، الشغل ، الحياة ) علي كل حال هتعيش عيشة وحدة و هتموت موتة وحدة

ربنا سبحانه وتعالى قال فى القرآن الكريم “وما خلقنا الجن والإنس إلا ليعبدون” والعبادة مش بس صلاة وصوم لا العبادة انك تتقى الله فى شغلك وتجتهد فيه بالعدل وتصل رحمك واقاربك ومعارفك كمان تكون قجوة صالحة لكل اللى حواليك من عائلتك او معارفك او اصدقائك ، وتمتع بكل لحظة .

” عش كل لحظه كأنها اخر لحظه فى حياتك عش بالحب عش بالايمان عش بالكفاح عش بالأمل عش بالحب لله سبحانه وتعالى وقــدر قيمــة الحيــاة ” د.ابراهيم الفقى – رحمه  الله.


افضل اتعلم واتعلم واتعلم

خلي دايما عندك شغف التعلم الاطلاع على كل ما هو جديد وخليك متيقن ان فوق كل زي علم عليم ، ومش تسمح لاى حاجه انها تقف بينك وبين انك تتعلم كل شىء عندك شغف بيه وهيفيدك فى نجاحك ، يكفيك ان ربنا سبحانه وتعالى وهبك العقل اللى بيميزك عن كل الكون.


حافظ على ادائك تحافظ على نجاحك وقسم وقتك و نظمة و ابعد عن الكلام الكتير علشان ملوش فايدة

وزي ما متفقني ان الحياة مش وردية على طول ، كمان لازم نكون متفقين اننا نحافظ على شخصيتنا وقيمتنا الحقيقة للنجاح وسط جميع الدنيا ، فلا يجب ان تسمح لاى شخص او موقف للوصول لعزيمتك والاحباط منك .

كمان مش تستعجل النجاح لانه مش سهل ومش بيتحقق بسرعه يوم او اسبوع ، نجاحك محتاج منك صبر وتواصل فى المجهود وباذن الله ربنا هيكرمك .


وفى النهاية دي مش قوانين انزلها ربنا ، مناقشة ثقة النفس دي اجتهادات ونصايح من بعضنا لبعض املاً فى الوصول للنجاح اللى كل واحد فينا بيحلم به في حياته 

0 responses on "ثقة النفس ازاي تحصل عليها واهميتها لكل واحد فينا - بشكل عملي"

Copyright © Careerians. All rights reserved.
error: Content is protected !!
X
%d bloggers like this: