التكلفة الحقيقية للموظف على الشركة – حاسبة الراتب والتأمينات والضريبة والطوارئ excel
التكلفة الحقيقية للموظف على الشركة – حاسبة الراتب والتأمينات والضريبة والطوارئ excel
النهارده هنتكلم عن التكلفة الحقيقية للموظف على الشركة ، ودا لأن اغلب اصحاب الشركات بيحسبوا الموظف بالمرتب اللي مكتوب في العرض ، وبيتفاجئوا في آخر السنة إن الموظف كلفهم اكتر من كدا بكتير ، وإن الموظف نفسه بيقبض اقل من الرقم اللي اتفقوا عليه.
في المقالة دي هنعرف الموظف بيكلف الشركة كام بالظبط بعد التأمينات وصندوق الطوارئ والمزايا ، وبيقبض كام صافي ، بمثال بالارقام على نسب 2027 ، ومعاها حاسبة Excel بتحسب ده لكل موظف.
الاول متفقين إن في 3 ارقام مختلفة لنفس الموظف: الاجمالي اللي في العقد ، والصافي اللي الموظف بيقبضه بعد التأمينات والضريبة ، والتكلفة اللي الشركة بتدفعها فعلا بعد حصتها في التأمينات وصندوق الطوارئ والمزايا. ولازم تعرف التلاتة قبل ما تعمل عرض شغل او ميزانية.
| حصة صاحب العمل 202719.25% | حصة العامل 202711.5% | صندوق الطوارئ1% لـ 30 عامل فأكثر | الملفExcel |
التكلفة بتتكون من ايه؟
| البند | بيتحسب على | النسبة | السند |
|---|---|---|---|
| تأمين الشيخوخة والعجز والوفاة | اجر الاشتراك | 12.5% صاحب العمل + 9.5% العامل (2027) | م 19 قانون 148 لسنة 2019 |
| مكافأة نهاية الخدمة | اجر الاشتراك | 1% صاحب العمل + 1% العامل | م 36 |
| اصابات العمل | اجر الاشتراك | 1.5% صاحب العمل | م 46 |
| المرض | اجر الاشتراك | 3.25% صاحب العمل + 1% العامل | م 70 |
| البطالة | اجر الاشتراك | 1% صاحب العمل | م 86 |
| اجمالي التأمينات | 19.25% صاحب العمل + 11.5% العامل | ||
| صندوق اعانات الطوارئ | الاجر الاساسي | 1% على الشركة لو 30 عامل فأكثر | قانون 156 لسنة 2002 |
خلي بالك. اجر الاشتراك محصور بين 3,200 و19,300 جنيه في 2027 (المادة 53 من اللائحة التنفيذية لقانون التأمينات) ، يعني الموظف اللي مرتبه 30,000 الشركة بتدفع تأمينات على 19,300 بس. والمزايا زي التأمين الطبي الخاص والتدريب مش بتدخل في التأمينات ، بس بتدخل في التكلفة.
تعالوا بقا نحسب
مثال
موظف اساسي 8,000 + بدلات 5,000 + حافز 2,000 ، واجر اشتراكه 15,000 ، والشركة فيها اكتر من 30 عامل ، وبتدفعله تأمين طبي خاص 6,000 جنيه في السنة :-
الاجمالي الشهري = 15,000.00 جنيه
حصة العامل 11.5% = 1,725.00 جنيه
ضريبة كسب العمل الشهرية = 1,467.50 جنيه
صافي المرتب = 11,807.50 جنيه
حصة صاحب العمل 19.25% = 2,887.50 جنيه
صندوق الطوارئ 1% من الاساسي = 80.00 جنيه
التكلفة الشهرية = 17,967.50 جنيه
التكلفة السنوية = 17,967.50 × 12 + 6,000 تأمين طبي = 221,610.00 جنيه
نفس الموظف بـ 3 ارقام (جنيه شهريا)
الفرق بين التكلفة والصافي = تأمينات الطرفين + الضريبة + صندوق الطوارئ.
1.52×
التكلفة ÷ الصافي
2,967.50
فوق الاجمالي شهريا
221,610.00
التكلفة السنوية
19.25%
حصة الشركة 2027
الأثر العملي: لما تيجي تعمل عرض شغل ، اتفق على الاجمالي واحسب الصافي قدام المرشح ، عشان ما يتفاجئش في اول مرتب. ولما تعمل ميزانية السنة ، احسب الموظف بالتكلفة الكاملة مش بالاجمالي. في المثال ، كل موظف بيكلف حوالي مرة ونص الصافي اللي بيقبضه.
اسئلة شائعة عن تكلفة الموظف
الموظف بيكلف الشركة كام زيادة عن مرتبه؟
حصة صاحب العمل في التأمينات 19.25% من اجر الاشتراك من يناير 2027 ، و1% من الاساسي لصندوق الطوارئ لو الشركة 30 عامل فأكثر ، غير اي مزايا زي التأمين الطبي.
ايه الفرق بين الاجمالي والصافي؟
الصافي = الاجمالي ناقص حصة العامل في التأمينات (11.5% من 2027) ناقص ضريبة كسب العمل ناقص اي خصومات.
هل التأمينات بتتحسب على كل المرتب؟
على اجر الاشتراك بين الحد الادنى 3,200 والاقصى 19,300 جنيه في 2027 ، فالجزء اللي فوق الحد الاقصى مالوش تأمينات.
الحاسبة بتحسب كام موظف؟
لحد 100 موظف ، وبتطلع التكلفة الشهرية والسنوية والصافي ونسبة التكلفة للصافي لكل واحد.
خلاصة
اي موظف ليه 3 ارقام: الاجمالي والصافي والتكلفة. التكلفة = الاجمالي + 19.25% تأمينات على اجر الاشتراك + 1% صندوق طوارئ لو انطبق + المزايا. احسبها قبل التعيين وقبل الميزانية.
وفي الختام ارجو يكون المقال افاد حضراتكم ولو بجزء بسيط في الشغل.
عايز تعرف تكلفة الموظفين الحقيقية في شركتك؟
فريق كارييريانز بيعمل لك تحليل تكلفة العمالة وهيكل المرتبات ، ويوضح لك تكلفة كل وظيفة قبل ما تعين.
تابع ايضا:
الاجر التأميني 2027 – الحد الادنى والاقصى ونسب الاشتراك
تحميل شيت حساب المرتبات الشهري الكامل excel
طريقة حساب صندوق اعانات الطوارئ للعمال 2027
How to Build a Fair and Motivating Salary Structure in Your Company
كمان تقدر تتابع قناتنا على اليوتيوب لمزيد من الشروحات: إتعلم Personnel
نسب الاشتراك من قانون التأمينات الاجتماعية والمعاشات رقم 148 لسنة 2019 (المواد 19 و36 و46 و70 و86)، وحدود اجر الاشتراك 2027 من المادة 53 من لائحته التنفيذية (قرار رئيس مجلس الوزراء 2437 لسنة 2021)، وصندوق الطوارئ من القانون 156 لسنة 2002، والضريبة من القانون 91 لسنة 2005 المعدل بالقانون 7 لسنة 2024. المثال توضيحي.
You may also like
Job Description Templates for 15 Common Roles (Free Word Templates)
