ازاي تعمل بحث سوق لمشروعك قبل ما تبدأ – خطوة بخطوة

الاول متفقين إن بحث السوق مش تقرير طويل بأرقام عامة عن حجم السوق في مصر. البحث اللي يفرق معاك هو اللي بيجاوب على سؤال قرارك انت: ابدأ ولا لأ ، ابيع بكام ، وفين ، ولمين.

↓ تحميل النموذج

الخطوات الخمسة

1) ابدأ بالقرار مش بالاسئلة

اكبر غلطة إنك تكتب 40 سؤال لأن “كله مهم”. اكتب الاول القرار اللي البحث هيساعدك فيه ، وبعدين اسأل نفسك: السؤال ده هيغير قراري؟ لو لأ امسحه. البحث الكويس قصير ومركز.

2) عميلك مين بالظبط؟

“كل الناس” مش عميل. اكتب وصف لشخص واحد: سنه ، ساكن فين ، بيشتغل ايه ، دخله تقريبا ، وبيشتري المنتج امتى وازاي. وبعدين دور على ناس شبهه تسألهم ، مش صحابك اللي هيجاملوك.

3) الاستبيان – 10 اسئلة

في النموذج استبيان جاهز من 10 اسئلة ، اهمهم:

1. بتشتري المنتج ده قد ايه؟ – اللي عمره ما اشتراه ، اجاباته عن السعر ما تتحسبش.
2. ايه اكتر حاجة بتضايقك في اللي موجود؟ – هنا الفرصة بتاعتك.
3. آخر مرة دفعت كام؟ – ده سعر حقيقي مش رأي.
4. السعر المناسب والسعر اللي تحس عنده انه غالي – الاتنين مع بعض بيدوك نطاق السعر المقبول.
5. اقدر اتواصل معاك لما المنتج ينزل؟ – اللي بيدي رقمه مهتم بجد.

4) تحليل المنافسين

اعمل جدول بخمس منافسين على الاقل: السعر ، نقطة قوته ، نقطة ضعفه ، بيبيع فين. وروح اشتري منهم او اسأل كعميل لو تقدر. وابص على تقييمات العملاء عليهم على النت ، لأن الشكاوي المتكررة دي فرصتك.

5) ملخص النتايج في صفحة

اسئلة شائعة عن بحث السوق

اسأل كام واحد في بحث السوق؟

مفيش رقم سحري. كل ما العدد اكبر والناس اقرب لعميلك المستهدف ، كل ما النتيجة اقرب للواقع. والمهم تستبعد اللي مش مستهدفين من التحليل.

ينفع اعمل الاستبيان اونلاين؟

ايوه ، Google Forms او اي اداة شبهها. بس خلي بالك إن الاستبيان يوصل لعملائك المستهدفين مش لأي حد.

امتى احتاج شركة ابحاث؟

لما القرار كبير (استثمار كبير ، فتح فرع ، منتج جديد لسوق مختلف) ومحتاج عينة اكبر وتحليل محترف.

خلاصة

حدد قرارك ، واعرف عميلك ، واسأل عن اللي حصل فعلا مش اللي هيحصل ، وشوف منافسينك من عين العميل ، ولخص كل ده في صفحة واحدة. ساعتها قرارك هيبقى على ارقام مش على احساس.

وفي الختام ارجو يكون المقال افاد حضراتكم ولو بجزء بسيط في الشغل.

تابع ايضا:
بناء الاستراتيجية التسويقية لشركتك خطوة بخطوة – من التحليل إلى التنفيذ العملي
بناء وجود رقمي للشركات خطوة بخطوة – الدليل العملي لتسويق الشركات الصغيرة والمتوسطة
كمان تقدر تتابع قناتنا على اليوتيوب لمزيد من الشروحات: إتعلم Personnel

المقال والنموذج منهجية عملية للاستخدام الداخلي ، ومفيش فيهم ارقام عن حجم السوق. الارقام في نموذج الملخص امثلة للشكل بس.