تحميل ملف مسوغات التعيين للقطاع الخاص – قائمة فحص word
تحميل ملف مسوغات التعيين للقطاع الخاص – قائمة فحص word
النهارده هنتكلم عن ملف مسوغات التعيين في القطاع الخاص ، ودا لأن اغلب الشركات بتطلب ورق كتير من الموظف الجديد وبتنسى الورق اللي القانون بيطلبه منها هي ، ووقت التفتيش او النزاع بيتضح إن ملف العامل ناقص.
في المقالة دي هنفرق بين الورق اللي بيطلبه قانون العمل في ملف العامل ، والورق اللي بتطلبه التأمينات عشان استمارة 1 ، والورق اللي بيبقى سياسة شركة ، ومعاها قائمة فحص Word تعلم عليها لكل موظف.
الاول متفقين إن المادة 92 من قانون العمل الجديد بتلزم صاحب العمل يعمل ملف ورقي او الكتروني لكل عامل ، فيه بيانات محددة ومستندات محددة ، ويحتفظ بيه 5 سنين على الاقل بعد انتهاء العلاقة. يعني الملف مسئولية الشركة مش الموظف.
| ملف العاملالمادة 92 | الحفظ5 سنين بعد الانتهاء | استمارة 1خلال اسبوعين | الملفWord |
اولا: اللي قانون العمل بيطلبه في ملف العامل
| البند | مصدره |
|---|---|
| الاسم والمهنة ودرجة المهارة عند الالتحاق | م 92 |
| محل الاقامة والحالة الاجتماعية | م 92 |
| تاريخ بداية الخدمة والاجر وما يطرأ عليه | م 92 |
| صورة عقد العمل (اتكتب بالعربي من 4 نسخ) | م 89 و92 |
| الكشف الطبي الابتدائي | م 92 |
| ما يفيد التأمين عليه في الهيئة القومية للتأمين الاجتماعي | م 92 |
| الجزاءات ومحاضر التحقيق والاجازات وتقارير الرؤساء | م 92 (بتتضاف طول الخدمة) |
ثانيا: مستندات التأمين على الموظف (استمارة 1)
طبقا لـ صفحة خدمة الهيئة القومية للتأمين الاجتماعي ، استمارة 1 بتتقدم خلال اسبوعين من تاريخ الالتحاق ، ومعاها:
- المستند الدال على تاريخ الميلاد (مميكن).
- صورة المؤهل ، وما يفيد الاشتراك في النقابة لبعض المهن.
- صورة بطاقة الرقم القومي.
- قرار التعيين او نسخة عقد العمل.
- تقرير اللياقة الطبية نموذج 111.
- نموذج 5 بيانات التغطية التأمينية.
- نموذجي 3 و4 لو في مدد اشتراك سابقة.
ثالثا: مستندات بتطلبها الشركة حسب سياستها
دي مش مذكورة في المادة 92 ، لكن شركات كتير بتطلبها حسب طبيعة الوظيفة: صحيفة الحالة الجنائية ، شهادة الموقف من التجنيد للذكور ، شهادات الخبرة ، صور شخصية ، بيان الحساب البنكي لتحويل المرتب. اكتب في سياستك اي منها مطلوب ولأي وظيفة. وللموظف الاجنبي: ممنوع تشغيله الا بعد الحصول على ترخيص العمل من الوزارة المختصة (المادة 71).
خلي بالك. بيانات ملف العامل سرية ، “ولا يجوز الاطلاع على هذه البيانات إلا لمن رخص له قانونا بذلك” (المادة 92) ، والشركة ملزمة تقدم الملف للجهة الادارية او المحكمة العمالية عند الطلب. حط الملفات في مكان مقفول او نظام الكتروني بصلاحيات.
الأثر العملي: اكتر نقطتين ناقصين في ملفات الشركات الصغيرة: نسخة العقد الموقعة ، والكشف الطبي الابتدائي. والتنين مطلوبين في المادة 92 ، والتنين بيتطلبوا في التفتيش. القائمة المرفقة فيها خانة استلام لكل مستند عشان تعرف الناقص من اول يوم.
اسئلة شائعة عن ملف مسوغات التعيين
ايه مستندات ملف العامل في قانون العمل الجديد؟
بيانات الاسم والمهنة والاقامة والحالة الاجتماعية وتاريخ الخدمة والاجر ، وصورة العقد والكشف الطبي الابتدائي وما يفيد التأمين ، والجزاءات والاجازات والتقارير (المادة 92).
كام سنة لازم احتفظ بملف العامل؟
5 سنين على الاقل من انتهاء العلاقة ، ولحد الحكم البات لو في نزاع (المادة 92).
ايه مستندات استمارة 1؟
شهادة ميلاد مميكنة ، المؤهل ، البطاقة ، قرار التعيين او العقد ، نموذج 111 ، نموذج 5 ، ونموذجي 3 و4 للمدد السابقة.
هل الفيش والتشبيه مطلوب قانونا؟
مش من مستندات المادة 92 ، وطلبه بيبقى سياسة شركة حسب طبيعة الوظيفة.
خلاصة
ملف العامل 3 طبقات: اللي قانون العمل بيطلبه (م 92) ، واللي التأمينات بتطلبه لاستمارة 1 ، واللي سياستك بتطلبه. جهز التلاتة من اول يوم ، واحفظ الملف 5 سنين بعد الانتهاء.
وفي الختام ارجو يكون المقال افاد حضراتكم ولو بجزء بسيط في الشغل.
عايز تراجع ملفات الموظفين في شركتك؟
فريق كارييريانز بيراجع ملفات العاملين على المادة 92 ومستندات التأمينات ، ويطلعلك الناقص قبل التفتيش.
تابع ايضا:
مستندات ملف العامل ومسوغات التعيين
شرح استمارة 1 واستمارة 6 تأمينات خطوة بخطوة
تحميل نماذج سجلات ودفاتر شئون العاملين
Onboarding: The First 90 Days Plan for New Hires (Checklist)
كمان تقدر تتابع قناتنا على اليوتيوب لمزيد من الشروحات: إتعلم Personnel
المستندات القانونية منقولة من قانون العمل رقم 14 لسنة 2025 (المواد 71 و89 و90 و92) ، ومستندات استمارة 1 من صفحة الخدمة على موقع الهيئة القومية للتأمين الاجتماعي. المستندات المكتوب جنبها “سياسة شركة” مش التزام قانوني.
You may also like
Job Description Templates for 15 Common Roles (Free Word Templates)
