تحميل نماذج مكتب العمل الكاملة مع نموذج جزاء موظف ونموذج انذار
تحميل نماذج مكتب العمل الكاملة مع نموذج جزاء موظف ونموذج انذار
النهارده هنتكلم عن نموذج جزاء موظف ونموذج انذار ونماذج التحقيق ، ومعاهم نماذج مكتب العمل اللي بتحتاجها الشركة ، ودا لأن اغلب الجزاءات اللي بتتلغي في النزاعات بتتلغي بسبب الورق مش بسبب المخالفة نفسها: تحقيق ما اتعملش ، او قرار من غير سبب ، او خصم فوق الحد.
في المقالة دي هنمشي على خطوات الجزاء زي ما قانون العمل 14 لسنة 2025 رتبها ، والجزاءات المسموح بيها وحدودها ، ومعاهم ملف Word فيه 6 نماذج جاهزة: استدعاء للتحقيق ، محضر تحقيق ، قرار جزاء ، انذار كتابي ، انذار غياب ، وقرار ايقاف مؤقت.
الاول متفقين إن الجزاء في القانون الجديد ليه طريق واحد: لائحة جزاءات معتمدة ، ثم ابلاغ كتابي وتحقيق خلال 7 ايام ، ثم قرار مسبب خلال 30 يوم من انتهاء التحقيق. واي خطوة ناقصة بتضعف الجزاء كله.
| بداية التحقيقخلال 7 ايام | قرار الجزاءخلال 30 يوم | حد الخصم5 ايام للمخالفة وفي الشهر | الملفWord – 6 نماذج |
خطوات توقيع الجزاء على الموظف
1
اللائحة
المخالفة والجزاء لازم يكونوا في لائحة الجزاءات المعتمدة (المادة 138).
2
الابلاغ
ابلاغ الموظف كتابة بالمنسوب اليه (المادة 141).
3
التحقيق
خلال 7 ايام من اكتشاف المخالفة ، وسماع الاقوال وتحقيق الدفاع في محضر.
4
القرار
قرار مسبب خلال 30 يوم من انتهاء التحقيق (المادة 138).
5
الملف والسجل
المحضر والقرار في ملف الموظف ، والخصم في سجل الجزاءات (المادة 153).
خلي بالك. المادة 141 سمحت بالتحقيق الشفهي في المخالفات اللي جزاؤها انذار او خصم لا يزيد عن يوم واحد ، بشرط مضمون التحقيق يتكتب في قرار الجزاء. وفي كل الحالات القرار لازم يبقى مسبب.
الجزاءات المسموح بيها في قانون العمل الجديد
| الجزاء | الحد او الشرط | المادة |
|---|---|---|
| الانذار الكتابي | — | 139 |
| الخصم من الاجر الاساسي | لا يزيد عن 5 ايام للمخالفة الواحدة ولا عن 5 ايام في الشهر | 139 و143 |
| تأجيل موعد العلاوة السنوية | لا يجاوز 3 شهور | 139 |
| الحرمان من جزء من العلاوة | لا يجاوز نصفها | 139 |
| تأجيل الترقية | لا يزيد عن سنة | 139 |
| خفض الاجر الاساسي | بمقدار علاوة على الاكثر | 139 |
| الخفض لوظيفة في الدرجة الادنى مباشرة | من غير تخفيض الاجر | 139 |
| الفصل من الخدمة | بحكم المحكمة العمالية وفي حالات الخطأ الجسيم بس | 139 و148 |
وممنوع توقيع اكتر من جزاء على المخالفة الواحدة (المادة 140) ، ومدير المنشأة يوقع الانذار والخصم لحد 3 ايام بس ، والباقي لصاحب العمل او اللي يفوضه (المادة 148). والمحقق يبقى من الشئون القانونية ، ولو مش موجودة شخص من ذوي الخبرة مستواه الوظيفي مش اقل من الموظف (المادة 142).
نموذج قرار جزاء موظف
شركة ……………… – قرار جزاء رقم (……) لسنة 20
الأثر العملي: الايقاف المؤقت عن العمل (المادة 145) مسموح بقرار مكتوب لمدة لا تزيد عن 60 يوم مع صرف الاجر كامل ، في حالات محددة: الاحالة للتحقيق في مخالفة جوه مقر العمل ومصلحة التحقيق تقتضي ، او الاتهام بجناية او جنحة مخلة ، او طلب الفصل من المحكمة العمالية. والموظف يقدر يتظلم لقاضي الامور الوقتية خلال 3 ايام (المادة 146).
انذار الغياب قبل اعتبار الموظف مستقيل
المادة 166 بتعتبر الموظف مستقيل لو غاب من غير مبرر اكتر من 20 يوم متقطعة في السنة او اكتر من 10 ايام متتالية ، بشرط يسبق ده انذار بخطاب موصى عليه بعلم الوصول: بعد 10 ايام غياب في الحالة الاولى ، و5 ايام في التانية. نموذج الانذار موجود في الملف ، واحتفظ بإيصال البريد.
ونماذج مكتب العمل؟
النماذج الرسمية لمكتب العمل (بيان المنشأة ، شهادة القيد ، نموذج الاستقالة) بتصدرها وزارة العمل وبتاخدها من المكتب. جمعنا مواعيدها وخطابات تسليمها في مقال نماذج اخطار مكتب العمل ، ونموذج الاستقالة الرسمي في مقال تحميل نموذج الاستقالة الجديد.
اسئلة شائعة عن نموذج جزاء الموظف
ينفع اخصم من الموظف من غير تحقيق؟
لا ، المادة 141 بتشترط ابلاغ كتابي وسماع الاقوال وتحقيق الدفاع في محضر ، وفي الانذار او خصم يوم واحد ينفع التحقيق يبقى شفهي بشرط يتكتب مضمونه في القرار.
اقصى خصم على الموظف كام يوم؟
5 ايام من الاجر الاساسي للمخالفة الواحدة ، وما يتقطعش اكتر من اجر 5 ايام في الشهر (المادة 143).
امتى يسقط حق توقيع الجزاء؟
بعد 30 يوم من انتهاء التحقيق (المادة 138) ، والتحقيق يبدأ خلال 7 ايام من اكتشاف المخالفة (المادة 141).
هل الانذار الكتابي جزاء؟
ايوه ، هو اول جزاء في قائمة المادة 139 ، ولازم يتسبقه تحقيق ولو شفهي.
خلاصة
الجزاء السليم = لائحة معتمدة + ابلاغ كتابي + تحقيق في ميعاده + قرار مسبب + قيد في السجل. النماذج الستة اللي في الملف بتغطي الطريق ده من اوله لآخره.
وفي الختام ارجو يكون المقال افاد حضراتكم ولو بجزء بسيط في الشغل.
عندك حالة تحقيق او جزاء ومش متأكد من الاجراء؟
فريق كارييريانز بيراجع معاك لائحة الجزاءات والتحقيق وقرار الجزاء قبل ما يتوقع ، عشان يبقى سليم قدام اي تظلم او نزاع.
تابع ايضا:
تحميل لائحة الجزاءات وسجل الجزاءات وفقا لقانون العمل الجديد
تحميل نماذج اخطار مكتب العمل بالتعيين وانتهاء الخدمة ومواعيدها
فترة الاختبار والفصل والتعويض في قانون العمل الجديد – شرح كامل بالامثلة
المحكمة العمالية – اجراءات النزاع من الشكوى لمكتب العمل لحد الحكم
كمان تقدر تتابع قناتنا على اليوتيوب لمزيد من الشروحات: إتعلم Personnel
الاحكام منقولة من نص قانون العمل رقم 14 لسنة 2025 (المواد 138 إلى 148 و153 و166). النماذج استرشادية وتحتاج مطابقتها على لائحة الجزاءات المعتمدة في شركتك، وليست بديلا عن الاستشارة القانونية.
