كيفية حساب صندوق اعانات الطوارىء للعمال بداية من سنة 2021

كيفية حساب صندوق اعانات الطوارىء للعمال بداية من سنة 2021

فيديو النهارده عن طريقة و كيفية حساب صندوق اعانات الطوارىء للعمال بداية من سنة 2021 بشكل سهل وبدون أي لغبطة.

 

الاول لو عايز تعرف ايه هو صندوق اعانات الطوارىء راجع المقال دا ما هو صندوق اعانات الطوارئ للعمال

كترت التساؤلات عن كيفية حساب صندوق اعانات الطوارىء للعمال 2021 خصوصا بعد تغيير قانون التأمينات الاجتماعية والمعاشات واللي اصبح القانون رقم 148 لسنة 2019م بدلا من قانون 79 لسنة 1975م.

النهاردة هنعرف مع بعض ازاي نعرف نحسب المستحقات الخاصة بالصندوق من غير اي لغبطة او خلاف.

الاول خلينا نفتكر مع بعض ان صندوق اعانات الطوارىء بيتم إحتساب مستحقاته عن طريق خصم 1% من الاجر الاساسي للموظف ودا تم اقراره بالقانون رقم 156 لسنة 2002م.

 

وكان المتبع ان الاتش ار بيشوف الاجر الاساسي للعامل في التأمينات ويضربه في 1% وبكدا يطلع مستحقات الصندوق وخلاص..

لكن وبعد ما اصبح التامين بيتم بالاجرين التاميني والشامل .. اصبح في بعض اللغبطة مع زمايلنا.

 

طيب عشان نحسب مستحقات الصندوق مش احنا متفقين إن الاجر التأميني دا يشمل كذا حاجه من ضمنهم الاجر الاساسي للموظف..

 

وبما إن أخر تعامل للأجر الاساسي كان في 31/12/2019م.

 

هنجيب الاجر الاساسي للموظف في 31/12/2019 ونزود عليه 7% العلاوة الدورية الطبيعية وبكدا يبقا معانا الاجر الاساسي عن سنة 2020

بعد كدا هنجيب الاجر الاساسي عن سنة 2020 ونزود عليه 7% العلاوة الدورية الطبيعية وبكدا يبقا معانا الاجر الاساسي عن سنة 2021

 

ومن هنا هناخد الاجر الاساسي عن سنة 2021 ونضربه في 1% كل شهر لبيان مستحقات الصندوق الشهرية واللي بقا بيتم توريدها من خلال النموذج القديم المتعارف عليه بشيلك مقدم لمكتب العمل او عن طريق البنك بالنموذج الجديد واللي هنلاقيه موجود في البوست هنا.

 

بس خلي بالك من الاتي:

عند حساب الاجر الاساسي لسنة 2021 خليك عارف إن الحد الادني لازم ميقلش عن الحد الأدنى لأجر الاشتراك التأميني وهو 1200 جنيه ( يعني لو الاجر الاساسي طلع معانا 1150 مثلا نقربه لـ 1200 جنيه.

كمان خليك عارف إن الحد الأقصى هو 1920 جنيه يعني لو الاجر الاساسي زاد عن 1920 نرجعه تاني ونكتب 1920

---

وطبعا مش محتاجين نقول نخلي بالنا ونحتفظ بكل الداتا دي ولو في Excel Sheet  جانبي عشان اذا احتاجناها في 2022 او اي شىء اخر ..