تحميل شيت حساب المرتبات الشهري الكامل excel – الاساسي والتأمينات والضريبة والصافي
تحميل شيت حساب المرتبات الشهري الكامل excel – الاساسي والتأمينات والضريبة والصافي
النهارده هنتكلم عن شيت حساب المرتبات الشهري الكامل ، ودا لأن اغلب الشركات الصغيرة بتحسب المرتبات على شيت قديم اتعدل عليه كذا مرة ، فيه حدود تأمينات سنة فاتت وشرائح ضريبة قديمة ، ومحدش متأكد إن المعادلات لسه صح.
في المقالة دي هنعرف المرتب بيتحسب بالترتيب ازاي من الاساسي لحد الصافي وتكلفة الشركة ، بمثال بالارقام ، ومعاها شيت Excel جديد بيحسب كل ده لحد 100 موظف.
الاول متفقين إن حساب المرتب ليه ترتيب ثابت: اجمالي المستحق ← تأمينات العامل على اجر الاشتراك بين الحدين ← الوعاء الضريبي ← ضريبة كسب العمل ← الخصومات ← الصافي. وعلى الجانب التاني تكلفة الشركة = الاجمالي + حصة صاحب العمل في التأمينات (+ صندوق الطوارئ لو الشركة 30 عامل فأكثر).
| الموظفينلحد 100 | التأمينات 202711.5% و19.25% | الضريبةالقانون 7 لسنة 2024 | الملفExcel |
ترتيب حساب المرتب
1
1. الاجمالي
الاساسي + البدلات + الحوافز والعمولات + الاضافي.
2
2. التأمينات
اجر الاشتراك بين الحد الادنى والاقصى × 11.5% على الموظف (من يناير 2027).
3
3. الوعاء
(الاجمالي – التأمينات – الاعفاءات) × 12 – 20,000 اعفاء شخصي.
4
4. الضريبة
الشرائح على الوعاء السنوي ÷ 12.
5
5. الصافي
الاجمالي – التأمينات – الضريبة – الخصومات.
تعالوا بقا نحسب
مثال
موظف اساسي 8,000 + بدلات 5,000 + حافز 2,000 ، واجر اشتراكه 15,000 :-
اجمالي المستحق = 15,000 جنيه
تأمينات العامل = 15,000 × 11.5% = 1,725.00 جنيه
الوعاء السنوي = ( 15,000 – 1,725.00 ) × 12 – 20,000 = 139,300 جنيه
الضريبة الشهرية = ( 1,500 + 2,250 + 69,300 × 20% ) ÷ 12 = 1,467.50 جنيه
صافي المرتب = 15,000 – 1,725.00 – 1,467.50 = 11,807.50 جنيه
حصة صاحب العمل = 15,000 × 19.25% = 2,887.50 جنيه
تكلفة الشركة = 17,887.50 جنيه
من التكلفة للصافي – المثال (جنيه شهريا)
الفرق بين التكلفة والصافي = تأمينات الطرفين + الضريبة.
خلي بالك. الشيت جاهز بأرقام 2027: حدود اجر الاشتراك 3,200 و19,300 ، وحصة العامل 11.5% وصاحب العمل 19.25% بعد زيادة يناير 2027 – التفاصيل في مقال الاجر التأميني 2027. والضريبة الشهرية في الشيت تقديرية على اساس المرتب × 12 ، والتسوية السنوية في يناير هي اللي بتظبط الفروق.
الشيت بيحسب ايه بالظبط؟
| العمود | بيتحسب ازاي |
|---|---|
| اجمالي المستحق | مجموع الاساسي والبدلات والحوافز والاضافي |
| اجر الاشتراك بعد الحدود | اجر الاشتراك الفعلي بين الحد الادنى والاقصى |
| تأمينات العامل | 11.5% من اجر الاشتراك (2027) |
| الوعاء السنوي التقديري | (الاجمالي – التأمينات – الاعفاءات الشهرية) × 12 – الاعفاء الشخصي |
| ضريبة كسب العمل الشهرية | الشرائح على الوعاء ÷ 12 ، بما فيها حالات الوعاء اللي يعدي 600,000 |
| صافي المرتب | الاجمالي – التأمينات – الضريبة – الخصومات الاخرى |
| حصة صاحب العمل | 19.25% من اجر الاشتراك (2027) |
| صندوق الطوارئ | 1% من الاساسي لو المنشأة 30 عامل فأكثر |
| اجمالي تكلفة الشركة | الاجمالي + حصة صاحب العمل + صندوق الطوارئ |
الأثر العملي: الشيت ده مقفول ومحمي ، والخلايا الصفرا بس هي اللي بتتكتب. ده بيمنع اشهر مشكلة في شيتات المرتبات: حد يكتب رقم فوق معادلة بالغلط ، والغلطة تفضل شهور من غير ما حد ياخد باله.
اسئلة شائعة عن شيت المرتبات
ازاي احسب صافي المرتب؟
الاجمالي ناقص تأمينات العامل (11.5% من اجر الاشتراك من يناير 2027) ناقص ضريبة كسب العمل ناقص اي خصومات تانية.
ايه تكلفة الموظف الحقيقية على الشركة؟
الاجمالي + حصة صاحب العمل في التأمينات 19.25% من اجر الاشتراك (من يناير 2027) ، + 1% صندوق الطوارئ على الاساسي لو الشركة 30 عامل فأكثر.
الشيت بيحسب كام موظف؟
لحد 100 موظف في الكشف الشهري.
هل الشيت بيغني عن التسوية السنوية؟
لأ ، الضريبة الشهرية تقديرية ، والتسوية السنوية بتتعمل في يناير – شيتها في مقال شيت التسوية السنوية – الدخل 2026.
خلاصة
المرتب بيتحسب بترتيب ثابت من الاجمالي للتأمينات للوعاء للضريبة للصافي ، وتكلفة الشركة اكبر من الاجمالي بحصة صاحب العمل. حدّث الحدود كل يناير ، واكتب في الخلايا الصفرا بس.
وفي الختام ارجو يكون المقال افاد حضراتكم ولو بجزء بسيط في الشغل.
عايز تتعلم الـ Payroll بشكل عملي؟
ورشة المرتبات العملية من كارييريانز بتشتغل فيها على كشوف مرتبات حقيقية من الاجمالي للصافي والتأمينات والضرائب والتسويات.
تابع ايضا:
طريقة حساب ضريبة كسب العمل على المرتبات – الشرائح والمعادلة بمثال عملي
الاجر التأميني 2027 – الحد الادنى والاقصى ونسب الاشتراك
10 اخطاء في الـ Payroll بتكلف الشركة غرامات وازاي تتجنبها
طريقة حساب صندوق اعانات الطوارئ للعمال 2027
كمان تقدر تتابع قناتنا على اليوتيوب لمزيد من الشروحات: إتعلم Personnel
نسب الاشتراك من قانون التأمينات 148 لسنة 2019 ، والضريبة من قانون 91 لسنة 2005 المعدل بالقانون 7 لسنة 2024 ، وصندوق الطوارئ من القانون 156 لسنة 2002. المثال توضيحي ، والشيت اداة حساب داخلية.
Tag:Payroll, شيت excel, ضريبة كسب العمل
You may also like
10 اخطاء في الـ Payroll بتكلف الشركة غرامات وازاي تتجنبها
