ضريبة القيمة المضافة – مين ملزم بالتسجيل وامتى يتقدم الاقرار

الاول متفقين إن السعر العام للضريبة 14% من العام المالي 2017/2018 (المادة 3 من قانون 67 لسنة 2016) ، وإن حد التسجيل 500 الف جنيه مبيعات في 12 شهر. بس في ناس ملزمة تسجل مهما كان حجم شغلها ، والاجراءات من سنة 2020 بقت في قانون الاجراءات الضريبية الموحد 206 لسنة 2020.

↓ تحميل القائمة

مين ملزم بالتسجيل في القيمة المضافة؟

المادة 16 من قانون الضريبة على القيمة المضافة 67 لسنة 2016 بتلزم بالتسجيل كل اللي مبيعاته من السلع والخدمات الخاضعة والمعفاة وصلت 500 الف جنيه في الـ 12 شهر ، ويقدم طلب التسجيل “خلال ثلاثين يوما من تاريخ بلوغ رقم مبيعاته حد التسجيل”. والقانون ادى الوزير حق انه يغير الحد ده بقرار.

وفي ناس ملزمة تسجل مهما كان حجم تعاملها:

1. المستورد لسلعة او خدمة خاضعة للضريبة بغرض التجارة (المادة 16).
2. المصدّر ، ووكيل التوزيع (المادة 16).
3. اللي بينتج او بيقدم او بيستورد سلعة او خدمة من سلع وخدمات الجدول اللي ملحق بالقانون (تعريف المكلف في المادة 1).

واللي ما وصلش الحد يقدر يسجل اختياري (المادة 18).

رقم التسجيل الموحد والبطاقة المؤقتة

قانون الاجراءات الضريبية الموحد 206 لسنة 2020 بيدي الممول “رقم تسجيل ضريبي موحدا لجميع أنواع الضرائب” (المادة 26) ، وبيلزم بالتسجيل خلال 30 يوم من بداية النشاط (المادة 25).

والقانون 150 لسنة 2026 ضاف المادة 27 مكرر: بطاقة ضريبية مؤقتة صالحة 8 شهور عشان تخلص التأسيس والتراخيص ، بس ما ينفعش تستخدمها في اصدار ايصالات او فواتير الكترونية.

الاقرار الشهري والسداد

الفاتورة والسجلات

الغرامات

اسئلة شائعة عن ضريبة القيمة المضافة

حد التسجيل في القيمة المضافة كام؟

500 الف جنيه مبيعات من السلع والخدمات الخاضعة والمعفاة في 12 شهر (المادة 16 من قانون 67 لسنة 2016) ، والوزير يقدر يغيره بقرار.

امتى اسجل لو وصلت للحد؟

خلال 30 يوم من تاريخ ما مبيعاتك وصلت الحد.

ميعاد اقرار القيمة المضافة امتى؟

خلال الشهر اللي بعد انتهاء الفترة الضريبية ، والسداد في نفس يوم تقديم الاقرار (المادتين 31 و32 من قانون 206 لسنة 2020).

لو مفيش مبيعات اقدم اقرار؟

ايوه ، المادة 31 بتلزم بتقديم الاقرار حتى لو ما حصلش بيع.

المستورد ملزم يسجل حتى لو صغير؟

ايوه ، المستورد بغرض التجارة والمصدر ووكيل التوزيع ملزمين مهما كان حجم التعامل.

خلاصة

اعرف الاول انت ملزم ولا لأ: 500 الف في 12 شهر ، او مستورد او مصدر او وكيل توزيع او سلع الجدول. سجل خلال 30 يوم ، وقدم الاقرار كل شهر حتى لو صفر ، وادفع في نفس اليوم ، واحفظ الفواتير والدفاتر 5 سنين.

وفي الختام ارجو يكون المقال افاد حضراتكم ولو بجزء بسيط في الشغل.

تابع ايضا:
اقفال السنة المالية 2026 – قائمة فحص للشركات الصغيرة والمتوسطة
اقفال السنة المالية خطوة بخطوة – دليلك العملي لتصفية الحسابات في نهاية السنة
طريقة حساب ضريبة كسب العمل على المرتبات – الشرائح والمعادلة بمثال عملي
كمان تقدر تتابع قناتنا على اليوتيوب لمزيد من الشروحات: إتعلم Personnel

الاحكام منقولة من نص قانون الضريبة على القيمة المضافة 67 لسنة 2016 (النسخة المجمعة لآخر تعديل: المواد 1 و3 و16 و18 و67 و68) ، وقانون الاجراءات الضريبية الموحد 206 لسنة 2020 (المواد 25 و26 و29 و31 و32 و35 و37 و38 و69 و70 و71) وتعديله بالقانون 150 لسنة 2026. المقال للتوعية وليس بديلا عن المحاسب او المستشار الضريبي ، وتعليمات مصلحة الضرائب المصرية هي المرجع.