تحميل كشف مرتبات شهري excel مع نموذج قسيمة راتب Payslip
تحميل كشف مرتبات شهري excel مع نموذج قسيمة راتب Payslip
النهارده هنتكلم عن كشف المرتبات الشهري وقسيمة الراتب (Payslip) ، ودا لأن قانون العمل الجديد خلّى بيان مفردات الاجر التزام على صاحب العمل مش مجرد ميزة ، وكمان الكشف الموقع او التحويل البنكي هو الدليل الوحيد إن المرتب اتصرف.
في المقالة دي هنعرف القسيمة لازم يكون فيها ايه ، والكشف بيتحفظ ازاي ، ومعاها شيت Excel فيه كشف شهري لحد 100 موظف وقسيمة راتب بتطلع لوحدها لأي موظف تختاره.
الاول متفقين إن المادة 115 من قانون العمل بتقول إن ذمة صاحب العمل ما بتبراش من الاجر الا بتوقيع العامل في السجل او كشوف الاجور ، او بتحويل الاجر لحسابه البنكي ، “ويلتزم صاحب العمل بإعطاء العامل بيانا بمفردات أجره”. يعني الكشف والقسيمة الاتنين مطلوبين.
| الكشفاثبات الصرف (م 115) | القسيمةبيان مفردات الاجر (م 115) | الموظفينلحد 100 | الملفExcel |
قسيمة الراتب لازم يكون فيها ايه؟
قسيمة راتب – شهر ……… 2027
خلي بالك. القانون ما حددش شكل للقسيمة ، حدد مضمونها: “مفردات الاجر”. وقانون الاجراءات الضريبية 206 لسنة 2020 (المادة 31) بيلزم صاحب العمل كمان يدي العامل بناء على طلبه كشف فيه اسمه ثلاثي ومبلغ ونوع الدخل وقيمة الضريبة المحجوزة. القسيمة الكويسة بتغطي الاتنين.
الشيت فيه ايه؟
1
الاعدادات
الشهر وحدود اجر الاشتراك ونسب 2027 والاعفاء الشخصي.
2
الكشف الشهري
لكل موظف: الاساسي والبدلات والحوافز والاضافي والخصومات ، والشيت بيحسب التأمينات والضريبة والصافي.
3
قسيمة الراتب
تكتب رقم الموظف ، والقسيمة بتتملى لوحدها وتتطبع.
4
التوقيع
خانة توقيع بالاستلام او رقم التحويل البنكي لكل موظف.
اثبات الصرف
بيبرّي ذمة الشركة (م 115)
✓ توقيع الموظف على كشف الاجور او السجل.
✓ تحويل المرتب لحساب الموظف البنكي.
✓ وبيان بمفردات الاجر لكل موظف.
مش كفاية لوحده
✗ ايصال نقدي من غير توقيع على الكشف.
✗ رسالة واتساب “استلمت”.
✗ كشف من غير توقيعات او من غير ما يتطابق مع التحويل.
الأثر العملي: في اي نزاع على مرتب ، السؤال الاول هيكون: فين توقيع الموظف او التحويل البنكي؟ احفظ الكشف الموقع لكل شهر مع ملف التحويل ، وابعت القسيمة لكل موظف. الشيت بيخلي الاتنين يطلعوا من نفس الارقام.
اسئلة شائعة عن كشف المرتبات وقسيمة الراتب
هل قسيمة الراتب الزامية؟
صاحب العمل ملزم يدي العامل بيان بمفردات اجره (المادة 115 من قانون العمل 14 لسنة 2025).
ايه اللي بيثبت إن المرتب اتصرف؟
توقيع العامل على السجل او كشوف الاجور ، او تحويل اجره لحسابه البنكي (المادة 115).
هل الموظف يقدر يطلب كشف بالضريبة؟
ايوه ، المادة 31 من قانون الاجراءات الضريبية الموحد بتلزم صاحب العمل يديله كشف بالاسم ومبلغ ونوع الدخل والضريبة المحجوزة.
الشيت بيحسب بنسب انهي سنة؟
بنسب 2027 (11.5% و19.25%) وحدود 3,200 و19,300 ، وتقدر تغيرهم من الاعدادات.
خلاصة
كل شهر: كشف موقع او تحويل بنكي + قسيمة بمفردات الاجر لكل موظف. الشيت بيطلعهم من نفس الارقام ، فمفيش اختلاف بين اللي اتصرف واللي في القسيمة.
وفي الختام ارجو يكون المقال افاد حضراتكم ولو بجزء بسيط في الشغل.
عايز حد يجهز المرتبات والقسائم كل شهر؟
فريق كارييريانز بيجهز كشوف المرتبات والقسائم والتأمينات والضرائب الشهرية لشركتك.
تابع ايضا:
تحميل شيت حساب المرتبات الشهري الكامل excel
الاجر في قانون العمل الجديد – مكوناته ومواعيد السداد
شرائح ضريبة كسب العمل 2027
10 اخطاء في الـ Payroll بتكلف الشركة غرامات
كمان تقدر تتابع قناتنا على اليوتيوب لمزيد من الشروحات: إتعلم Personnel
الالتزامات منقولة من قانون العمل رقم 14 لسنة 2025 (المواد 105 و108 و115) وقانون الاجراءات الضريبية الموحد 206 لسنة 2020 (المادة 31) ، والنسب من القانون 148 لسنة 2019 ولائحته التنفيذية ، والضريبة من القانون 7 لسنة 2024.
Tag:Excel, Payroll, Payslip, salary tax
You may also like
Job Description Templates for 15 Common Roles (Free Word Templates)
