Login

يعنى ايه Recruitment and Selection الجزء التانى

يعنى ايه Recruitment and Selection الجزء التانى

 اولا اسفة جدا على تاخير الجزء التانى

طيب وثانيا بقى 🤔 نراجع شوية على اللى فات ونفتكرة في البوست دا يعني ايه Recruitment and Selection

احنا كنا اتكلمنا عن الخطوات الللى بنعملها اول ما بيطلب منا تعيين موظف جديد من اول الاعلان وطرق الانترفيو وازاى نجهزله وال Phone interview وقولنا لل candidate اتفضل تعالى ال interview  طب يالا نكمل بقى 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يوم الانترفيو نحاول ندى وقت كافى بين ال candidate والتانى علشان نقدر نقيم كل واحد لان لو اعتمدت انك هتدى الناس تقيمها فى اخر اليوم هتطلع من يوم الانترفيوهات دى مش شايف قدامك ومش فاكر حاجة وهتدخل الدنيا على بعضها لان الانترفيو هو قرار لازم اطلع منه ياحاطط على الApplication    “Y”or ” R ” Yes or Rejected لان لو طلعت منه مش عارف يبقى فى حاجة غلط 

طيب جة ال candidate عندك الشركة هتستقبله و تديله ال Application بتاع الشركة يملاه بنفسه الا لو كان ماليه من قبل كدة على النت لكن لو معندكش امكانية انو يملاه على النت هيملاه عندك فى الشركة 

طيب ممكن حد يقولى طيب ليه ما كفاية ال CV بتاعه هقولك لااا خالص لان ممكن ال CV دة يكون عامله Copy & Paste او حد كاتبهوله وبعدين انت من اول الحاجات اللى بتقيم بيها ال candidate دة ال Application  عالميا حاليا وخصوصا فى  2018 اصبح ال Application هو اللى بيستخدم مش ال CV خالص و اللى درس ال PHRI هيعرف ان كل نقطة فى ال Application المفروض عليها درجة حتى كتابة الاسم المتقدم نفسه كتابته له درجة حاليا فى العالم الخارجى 

طيب خلص ال Application الحمد لله و نقعد معاه 

اولا عرفلهبنفسك كا HR و عرفه بالشركة و نشاطها اساله عن يومه وهو جى قدر يوصل بسهولة …….الخ ودة بيبقى اسمه Ice breaking

هبدء معاه الانترفيو وابدء اسالتى ليه احاول اتاكد انو فاهم الاسالة بتاعتى جدا علشان يقدر يجاوب عليا صح مش لازم طول الانترفيو احط ال Candidate under stress لان الناس مش  قاعدة فى استجواب لازم ندى مساحة شوية انه يطلع اللى جواه علشان كمان اقدر احكم عليه بس طبعا بعقل مش هنقلبها قاعدة وضحك لا احنا كا HR لازم نقدر ن Control الموضوع والوقت وان السؤال مايفتحش معانا لقصة وحكاية بطولات لاننا طبعا كابنى ادم بنحب نحكى بطولاتنا 

انت كا HR دورك فى الانترفيو  listen listen listen  علشان تقدر تقييم 

طيب ايه بقى طبيعة الاسئلة اللى ممكن نسألها ؟؟؟؟

اولا : Structure Questions ودى بتبقى اسئلة محدداها ومحددة اللى حد اما اجابتها او ان ال Candidate هيجاوب فى الحدود دى وبنحددالاسئلة بدرجات وعلى كل سؤال له درجته 

ثانيا : unstructured Questions  ودى بتبقى اسئلة وليدة اللحظة مبنكنش محضرنها من قبل الانترفيو 

ثالثا: situational Questions ودى انا بحكى مواقف مرت قدمنا فى الشركة و بساله هيعمل ايه لو كان حضر الموقف دة ؟ وطبعا دة من مميزاته انى بعرف اقيم الشخص دة يقدر يحل المشاكل دى ولا ايه وطبعا انا برده بيقس بيها ال Skills & Knowledgeللشخص  دة او مايسمى عندنا فى ال   KSA مش السعودية  احنا بنبقى عايزين نعرف اللى قدمنا عنده الكفائة اللى تخليه يحل المشاكل دى ولا لاء 

طيب تعالوا كدة نقول ايه هى ال KSA ؟؟ دى عبارة عن Knowledge , Skills , Abilities ودة ما يسمى بال Competencies 

وهى الكفائات اللى اى شخص يحتاجها علشان يطلع نتيجة زى ايه طيب🤔 ؟؟ 

1- communication skills 

2- problem solving

3- leadership skills

رابعا : Behavioral Questions  ودى بطلب من ال Candidate انه يحكى عن موقف وضع فيه فى شغله وحلها ازاى 

خامسا : Stress Questions  ودى بتبقى اسئلة بقيس بيها مدى تحكم ال Candidate فى نفسه بس طبعا بطريقة ذوق جدا ومش مسموح فيها باسئلة ليس لها علاقة بالشغلانة تماما يعنى لا سؤال له علاقة بالدين او الحياه الشخصية او السياسة مالهاش اى لزمة الا لو الانترفيو دة مثلا فى شركة طيران مش هينفع معايا واحدة حامل مثلا فاهسال السؤال دة لكن غير كدة لااااا مش مسموح 

خلصنا الانترفيو واخدنا القرار بتاعنا ب “Yes” or ” No” طيب بعد ما يبقى تمام وافقنا عليه بندخله للمرحلة التانية وهى ال Technical interview ودة طبعا للوظائف خلاف ال HR لان لو الوظيفة لو  HR انا بعمل ال Technical معايا عادى فى نفس الانترفيو.


طيب بعد ما بنخلص ياريت ياريت ندى الناس ال Feedback ولو ياريت اقوله سبب الرفض بطريقة بسيطة دة بيدى قيمة على فكرة لل HR والشركة كمان ودى بتبقى امانة عندنا كا HRians 


وصلنا ان ال candidate خلاص وافقنا عليه نبدء نبعتله ال Job offer بتاعه ودة بيبقى فيه ال job title , starting date , salary , working time , validity offer, مسوغات التعيين المطلوبة منه وتاريخ تقديمها….

تمام.. ال candidate قبل ال offer الحمدلله بيجى ال Candidate يقدم مسوغات التعيين وكتابة العقد وبكده بتنتهى عملية ال Selection  process وبتبدأ عملية التعيين hiring process.

0 responses on "يعنى ايه Recruitment and Selection الجزء التانى"

Copyright © Careerians. All rights reserved.
error: Content is protected !!
X
%d bloggers like this: