Login

Recruitment and Selection

Recruitment and Selection

 اولا كل سنة وانتم طيبين وسنة سعيدة عليكم يارب ويجعلها سنة كلها خير وبركة و نجاح 

  تعالو النهاردة نتكلم فى Function من ال HR وهى  Recruitment and selection


الاول ممكن ترجعوا للبوست دا

Recruitment and Selection يعني ايه 


ياترى عملية ال توظيف دى بتتبنى ازاى او ايه خطواتها الصح علشان ماتتحولش من كونك HR لمقاول انفار !!

 الاول: بيقوم مسئول التوظيف باستلام طلب التوظيف من مدير الادارة اللى عايزة الموظف طيب ياترى ياخد الطلب ويالا هب نعمل الاعلان لااااا استنى كدة الاول يراجع الطلب دة ويشوف ال Recruitment Plan  اللى كان محضرها من اول السنة هل الوظيفة المطلوبة فعلا موجودة عندى فى ال Plan ولا ايه ؟

طيب وبعدين 🤔

يقوم مسئول التوظيف باستخراج ال Job description للوظيفة المطلوبة ومراجعتها لتصميم الاعلان منها

خلى بالكم ان النقطة دى مهمة جدا علشان نعرف منها :

Duties and Responsibilities  شروط شغل الوظيفة- 

Skills and Competencies المهارات وكفاءات الخاصة بصاحب الوظيفة- 

طيب هو احنا ليه لازم نعرف النقط دى ؟؟

 طبعا علشان لما نيجى نحطهم فى الاعلان- 

او كمان اننا ممكن يبقى عندنا ناس من داخل الشركة نفسها متوافقيين مع الوظيفة ودة بيبقى اسمه  internal recruitment وممكن نعملهم Rotation وممكن من داخل القسم نفسه ممكن نعمل لحد Promotion طبعا لوظيفة اعلى ولو هو يستاهل 

 🤔طيب هو ايه فايدة انى اخد حد من داخل الشركة بدل ما اجيب حد جديد 

لااا فوايده كتيييير اوى واولها انى لسة مش هتعب نفسى فى انى اجيب حد ممكن ما يتناسبش مع ال organization culture فا لسة يبقى كدة هاخد وقت فى ال orientation وانا اصلا كاشركة وقتى بيساوى فلوس  

طيب خلاص بقى معنديش حد من داخل الشركة و قررت اعمل external recruitment 

طيب يالا بينا  نقوم بتصميم الاعلان و عرضه على مدير الادارة اللى طالب علشان يراجعوا لانه ممكن يكون فى الطلب اللى عامله زيادة عايز يضيفه او حاجة ويالا  بينا نعرض الاعلان بقى 


طيب هو ايه ال channels بتاعتك كا Recruiter علشان تعرف تحط الاعلان فين بالظبط ؟؟

 لو انت عايز تعينات white collar يبقى هنعلن على :
LinkedIn.com

WUZZUF.com

Bayt.com

جروبات واتس اب 

لو تعرف حد يعملك Recommendation

facebook groups

اعلانات الوسيط

اعلانات الاهرام ولو انها حاليا مش بتجيب اوى 

طيب لو عايز تعيين من ال Blue Collars ؟ 🤔

OLX

Facebook groups 

الوسيط

اعلانات وبنعلقها فى القرى لو عمال انتاج او عاملات انتاج

 

طيب وصلنا اننا حطينا الاعلان بتاع الوظيفة المطلوبة مننا وبدء يوصلنا ال CVs 

هنبدء نعمل Filter لل CVs  وطبعا علشان احنا بنبقى عارفين احنا ايه اللى طلبينه من ال Job description  وان مش كل اللى هيجيلنا هيكون مناسب لنا.

فامن هنا هنبدء كدة مرحلة ال Selection

هنبدء نعمل اول نوع من انواع الانترفيو وهو ال Phone Interview ودى بتبقى المرحلة اللى بعد ال Filtration 

ارجوكم وانتم بتعملوا ال Phone interview اسالوا اللى بتكلموه الاول اذا كان وقته يسمح ولا لاء لانه مش قاعد تحت امرنا

طبعا لازم تقدم نفسك وشركتك وال Title الخاص بيك خلى كلمنا واضح علشان نقدر نحكم عليه من رده لكن لو مش واضح حتحكم على اى اساس 

بلاش شغل عندك انترفيو بعد ساعة ولا النهاردة اكيد هو مش قاعد مستنى مكالمتنا على باب الشركة 😂

طيب مبدءيا كدة لازم نقول له انه جى على شغل ايه وهيقابل مين و لو هتعمل معاه امتحان فى حاجة ياريت تقولوا علشان يجهز نفسه و يعمل حسابه فى وقته اللى هيستاذنوا من شغله او لانه بردوا عنده امور تانية فى حياته و حتت انك تقوله انك عندك امتحان فى كذا علشان يراجع علشان اعرف اقيمه صح انا مش جايبة حد عيزاه يفشل اكيد و كمان لازم توصفله العنوان ومكان المقابلة بالتفصيل ولو ممكن تبعتله ال Location لو جى من سفر والتوقيت ولو في اى متطلبات معينة للمقابلة زى Dress Code او انه يجيب ورق معين .

طيب الحمد لله ال candidate جه الانترفيو  بعد معاناه من ال Recruiters طيب استنى بس الاول نعرف انواع الانترفيوهات 😂


عندنا انواع من الانترفيواهات ياترى ايه هى بقى ؟؟ 🤔

 Normal Interview:
وده النوع الشائع من المقابلات وكتير من ال HR  والشركات بتقوم بيها.

ودة بيبقى عبارة عن :

Structured Interview ودة اللى بنبقى محددين مجموعة اسئلة قدامنا بنسال ال Interviewee منها وبنديله من خلالها scores  
Unstructured Interview ودى بتبقى اسئلة عشوائية والانترفيو مش بيبقى متحضر من قبلها 
Stress Interview ودى انى بحط ال Interviewee تحت ضغط شوية علشان اشوف قدرته على التحمل وخلى بالك دة بيبقى جوة الانترفيو وبطريقة ذوق مش انى اسيبه بالساعات برة مستنينى واقول اصلى بحطه تحت ضغط لاء خالص دة مفهوم غلط و عيبة فى ال HR 

طيب ووسيلة التواصل 🤔 : 

One to One Interview او Face to face interview ودة بيبقى بينك وبينه لوحدكم ودة اللى بتحدد فيه انه مناسب للوظيفة من عدمه
Panel Interview  ودة بقى بيبقى الانترفيو مجمع كل الناس ال HR وال Technical بيبقى كذا واحد بيعمل الانترفيو للمرشح للوظيفة
Online (Skype) Interview ودة غالبا بيبقى لو هعمل انترفيو لحد خارج البلد بتاعتى 

طيب حددنا بقى احنا هنعمله ازاى يالة تيجى مرحلة الانترفيو نفسه 

1. مرحلة التجهيز للانترفيو :
وهي اول مرحلة في المقابلة الشخصية ودة اننا بنحضير للمقابلة وتعتبر نقطة مهمه جدا جدا جدا لكل من الطرفين طيب هعملها ازاى التحضير دة 🤔

•  Review Job Descriptions 
ودة  بيبقى علشان ابقى ملم بكافة المعلومات عن الوظيفة ومتطلباتها لان للاسف سبب كبير في فشل المقابلات هو ان الشخص المسئول عن المقابلة بيكون غير ملم بطبيعة الوظيفة او شروطها خصوصا لو كانت طبيعية الوظيفة تخصصية بحثة او ان الشخص ربما لم يسبق له ان قام بعمل مقابلات لمثل هذه الوظايف قبل كدة .

Place of the interview

ودة شىء مهم جدا انى احضر المكان اللى هعمل فيه الانترفيو غرفة الانترفيو او لو هعمل فى ال meeting room مثلا اشوفها هتكون جاهزة ولا لاء ومتهوية و تكون فيها كل ال Facilities علشان لما ال Interviewee لما يجى مش نخليه يستنى لغاية ما نظبط الدنيا لا الدنيا تبقى جهزاله  

طيب ايه بقى ال Candidate ولا لسه ؟؟؟ 🤔🤔

هقولك المرة اللى جاية  لان ولنا فى ال Recruitment & Selection  بقية  


اللى عنده اى اضافة انا نسيتها او ماخدتش بالى منها ياريت يعرفهالى 
جزى الله من علمنى خيرا 

0 responses on "Recruitment and Selection"

Copyright © Careerians. All rights reserved.
error: Content is protected !!
X
%d bloggers like this: