إدارة الوقت – تنظيم مهام العمل بشكل فعال وسريع

أول حاجه باختصار إنك تقسم المكتب بتاعك من فوق ل 4 اجزاء:

– الجزء الأول: هنستخدمه ونحط فيه الشغل ال urgent وإللي لو سيبنا ورقه فيه يبقا لازم تخلص حالا.
– الجزء التاني: ودا هنخليه للشغل إللي لازم يخلص النهارده بس آخر اليوم مش لازم حالا.
– الجزء الثالث: ودا هيكون فيه اللابتوب بتاع حضرتك وإللي شغال معاك طول اليوم عشان تتابع ميلاتك وأي حاجه عايز تظبطها من خلاله أو من ع السيستم.
– الجزء الرابع بقا هو نتيجه شغلك إللي فات كله والمكان إللي بتحط فيه التاسكات (الشغل) إللي خلصتها وتبتدي تبعتها لأصحابها سواء ورق أو بالميل او حتى هتأرشفها لمكانها .. والجزء دا لازم دايما يفضى مع آخر اليوم يعني متسبش فيه أي شغل.

الحاجه التانيه وإللي لازم تكون معاك هي notebook ?

– لا غنى عنها بالمعنى الحرفي للكلمة ??
– اي فكرة تيجي في بالك.
– أي طلب اتطلب منك سواء من مديرك أو من زمايلك.
– اي ميل جه في بالك.
– اي شغل افتكرته أو عايز تعمله قدام.
– اي ملاحظات ولو كانت بسيطه.

اكتب كل دا فيها وتعالى كل يوم الصبح بص فيها هتلاقي إن في تاسك معين إنت كان لازم تعمله إمبارح فتلحق تخلصه النهارده أو في شغل هتعمله على المدى الطويل فتبدتي تجهز له.

الحاجه التالته بقا إنك تحافظ على مواعيدك باكبر قدر

– حدد لنفسك وقت تبدأ فيه اليوم
– ووقت للكوفي بريك
– ووقت للراحه حتى ولو ربع ساعه بس لكن هتفرق في إعادة النشاط
– تجنب الكلام والمناقشات الجانبيه لأنها أكبر سبب بيضيع مننا الوقت في الشغل.

رابعا : خليك مستعد دايما للمفاجأت وإن الطبيعي يتطلب منك شغل بشكل مفاجىء وكمان لازم تخلصه في وقتها وعشان كدا لازم تكون مظبط ونجهز شغلك ومنسقه لأن دا إللي هيساعدك في المواقف إللي زي دي.
– أرشف شغلك باستمرار بشكل منسق ومتتالي
– دايما أعمل لشغلك Database وياريت تكون updated باستمرار على اللابتوب لو مفيش system تشتغل عليه.

واخيرا: دايما حاول تبقا ملم بكل تفاصيل شغلك عشان متتفاجئش قدام بأن عليك تاسكات كبيرة متعملش منها حاجه ??