طباعة وكتابة س1 و س6 بعد القرار الاخير بالعمل بالاستمارة الالكترونية

هنشرح سوا خطوات طباعة وكتابة س1 و س6 بعد القرار الاخير بالعمل بالاستمارة الالكترونية واللي أكد إن التأمينات مكملة خطتها في التحول الرقمي والتسهيل علينا كشركات

تقديم استمارات 1 لا يشترط كتابة الاستمارة من اصل وسنختان زي الاول.

ودا بعد ما تم صدور تعليمات من السيد اللواء / جمال عوض – رئيس الهيئة القومية للتأمين الاجتماعي بالتسهيل على الشركات تماشيًا مع خطة الهيئة في التحول الرقمي.

الموضوع بسيط وأسهل من كتابة الاستمارة زمان من 3 نسخ ( اصل + صورتين )

وبدل من شراء الاستمارة بشكل متكرر وتكلفتها على الشركة

دلوقتي تقدر تطبع الاستمارة جاهزة من على الكمبيوتر.

هتحمل الاستمارة بصيغه PDF من اللينكات اللي في اخر المقال تحت
اكتب بيانات الشركة وبيانات الموظف وعدل على الاستمارة باستخدام اي برنامج كتابة على ال PDF
لو معندكش البرنامج اطبع الاستمارة فاضية واكتب عليها بالجاف عادي جدا
سواء كتبت بالقلم او بالكمبيوتر هتطبع نسختين
سواء كتبت بالقلم او بالكمبيوتر هنمضي على النسختين ( موظف + مدير مسئول )
نسخه بيتم ارفاقها مع مستندات التعيين اللي بتتقدم للتأمينات ( زي العقد وسوغات التعيين … إلخ)
النسخه التانيه هناخد عليها رقم وختم الوارد ونختفظ بيها في الشركة.