شيت التدفق النقدي الشهري لشركة صغيرة – تعرف فلوسك رايحة فين

الاول متفقين إن التدفق النقدي هو الفلوس الحقيقية اللي دخلت خزنتك او حسابك في البنك والفلوس اللي خرجت منهم في الشهر ، مش الارباح اللي على الورق. والشركة ممكن تبقى كسبانة في الدفاتر ومش لاقية تدفع المرتبات ، لأن العملاء لسه ما دفعوش.

↓ تحميل الشيت

يعني ايه تدفق نقدي؟

ببساطة كدا: كل جنيه دخل الشركة في الشهر (مبيعات نقدية ، تحصيل من عميل ، قرض ، فلوس حطها الشركاء) ، وكل جنيه خرج (مرتبات ، تأمينات ، ايجار ، موردين ، كهرباء ، تسويق ، ضرائب ، اقساط). والفرق بينهم هو صافي التدفق ، ولما تضيفه على رصيد اول الشهر يطلعلك رصيد آخر الشهر.

مثال بالارقام – شركة صغيرة متخيلة

تعالوا نمشي مع شركة صغيرة متخيلة عندها 10 موظفين ، بدأت السنة ومعاها 150,000 جنيه ، وحطت لنفسها حد ادنى 50,000 جنيه ما تحبش الرصيد ينزل تحته (مرتب شهر تقريبا). المبيعات بتزيد من 80,000 جنيه في يناير لـ 135,000 جنيه في ديسمبر ، يعني الشغل على الورق ماشي كويس جدا.

بس في مارس اشترت بضاعة كبيرة بـ 60,000 جنيه وخدت قرض 50,000 جنيه ، والقرض قسطه 4,500 جنيه بيبدأ من ابريل ، والمرتبات زادت في يوليو. ودا اللي حصل في الرصيد:

النتيجة: في السنة كلها دخل 1,323,000 جنيه وخرج 1,430,600 جنيه ، يعني الشركة صرفت 107,600 جنيه اكتر ما حصلت. والرصيد نزل تحت الحد الادنى في 4 شهور ، واقل رصيد كان في نوفمبر (38,000 جنيه).

ازاي تستخدم الشيت – خطوة بخطوة

البنود اللي ناس كتير بتنساها

الملخص اللي بيطلعه الشيت

في شيت “الملخص” هتلاقي للمتوقع وللفعلي جنب بعض: اجمالي الداخل والخارج ، وصافي السنة ، ورصيد آخر السنة ، واقل رصيد والشهر بتاعه ، وعدد الشهور تحت الحد ، ومتوسط المدفوعات الشهرية ، والرصيد يكفي كام شهر مصروفات.

والمؤشر الاخير ده مهم جدا: لو رصيدك يكفي اقل من شهرين مصروفات ، يبقى اي تأخير في تحصيل عميل كبير ممكن يأخر المرتبات. وفي مثالنا رصيد آخر السنة 42,400 جنيه ومتوسط المدفوعات الشهرية 119,217 جنيه ، يعني الرصيد يكفي اقل من نص شهر.

اسئلة شائعة عن التدفق النقدي

ايه الفرق بين التدفق النقدي والربح؟

الربح بيتحسب من الايرادات والمصروفات حتى لو الفلوس لسه ما اتدفعتش ، والتدفق النقدي بيتابع الفلوس اللي دخلت وخرجت فعلا. ممكن تبقى كسبان وما معاكش سيولة.

اعمل التوقع لكام شهر؟

الشيت معمول لـ 12 شهر ، وده مناسب لأغلب الشركات الصغيرة. الاهم انك تحدثه كل شهر بالفعلي وتعدل الشهور الجاية.

احط الحد الادنى للنقدية كام؟

مفيش رقم ثابت. اغلب الناس بتبدأ بمرتبات شهر والايجار ، وبعدين تعدل على حسب طبيعة شغلها وسرعة التحصيل.

الشيت ينفع للمحاسب بدل الدفاتر؟

لأ ، الشيت اداة تخطيط ومتابعة للادارة ، ومش بديل عن الدفاتر المحاسبية ولا الميزانية.

خلاصة

اعرف رصيدك الحقيقي ، واكتب المتوقع يدخل ويخرج لـ 12 شهر ، وحط لنفسك حد ادنى ما تنزلش تحته ، وكل اول شهر قارن الفعلي بالمتوقع وعدّل. كدا هتعرف المشكلة قبلها بشهور مش يوم ما تيجي.

وفي الختام ارجو يكون المقال افاد حضراتكم ولو بجزء بسيط في الشغل.

تابع ايضا:
اقفال السنة المالية خطوة بخطوة – دليلك العملي لتصفية الحسابات في نهاية السنة
اقفال السنة المالية 2026 – قائمة فحص للشركات الصغيرة والمتوسطة
كمان تقدر تتابع قناتنا على اليوتيوب لمزيد من الشروحات: إتعلم Personnel

المثال في المقال لشركة متخيلة للشرح ، وارقامه هي نفس ارقام المثال المكتوب في الشيت. المقال للتوعية وليس بديلا عن رأي المحاسب او الاستشارة المالية.