العقد محدد المدة في قانون العمل الجديد – التجديد والتحويل والانهاء
العقد محدد المدة في قانون العمل الجديد – التجديد والتحويل والانهاء
النهارده هنتكلم عن العقد محدد المدة في قانون العمل الجديد 14 لسنة 2025 ، ودا لأن شركات كتير بتعمل عقود سنة وتجددها تلقائي ، وفاكرة إنها كدا تقدر تنهي العلاقة في اي وقت ، وفي الحقيقة العقد ممكن يكون اتحول لعقد غير محدد المدة من غير ما تاخد بالها.
في المقالة دي هنعرف امتى يجوز العقد محدد المدة ، وامتى بيتحول لغير محدد ، وازاي يتجدد صح ، وايه اللي بيحصل عند انتهاءه ، مادة مادة من القانون.
الاول متفقين إن الاصل في القانون الجديد إن عقد العمل بيتعمل لمدة غير محددة ، او لمدة محددة “إذا كانت طبيعة العمل تقتضي ذلك” ، ويجوز تجديده باتفاق الطرفين لمدد مماثلة (المادة 87). يعني العقد المحدد مش اختيار مفتوح ، ليه سبب.
| الاصلغير محدد المدة | المحددلما طبيعة العمل تقتضي | التجديدباتفاق مكتوب | السندالمواد 87 و88 و154 |
امتى العقد بيتحول لغير محدد المدة؟
المادة 88 بتعتبر العقد غير محدد المدة من وقت ابرامه في 3 حالات:
1
1. مش مكتوب
العقد الشفهي غير محدد المدة ، وده كمان مخالفة لالتزام كتابة العقد بالعربي من 4 نسخ (المادة 89).
2
2. من غير مدة
العقد المكتوب اللي ما فيهوش مدة.
3
3. استمرار بعد الانتهاء
العقد المحدد اللي خلص والطرفين كملوا شغل من غير اتفاق مكتوب على التجديد.
خلي بالك. الحالة التالتة هي الاكثر انتشارا: العقد بيخلص في 31 ديسمبر والموظف بيكمل في يناير ، وملحق التجديد بيتمضي في مارس. من يوم 1 يناير ده بقى عقد غير محدد المدة طبقا للمادة 88 ، والملحق المتأخر مش بيرجعه محدد.
انتهاء العقد محدد المدة
| الحالة | الحكم | السند |
|---|---|---|
| انتهاء المدة | العقد بينتهي بانقضاء مدته | م 154 |
| عقد او تجديدات اكتر من 5 سنين | العامل يقدر ينهيه بعد 5 سنين من غير تعويض ، باخطار 3 شهور قبلها | م 154 |
| الانهاء من صاحب العمل | “استحق العامل مكافأة تعادل اجر شهر عن كل سنة من سنوات الخدمة” | م 154 |
| عقد لانجاز عمل معين | بينتهي بانجاز العمل ، ويتجدد باتفاق صريح لاعمال مماثلة | م 155 |
محدد ولا غير محدد؟ المقارنة
العقد غير محدد المدة
✓ الاصل في القانون (م 87).
✓ الانهاء باخطار كتابي قبلها بـ 3 شهور من اي طرف (م 156).
✓ الانهاء من صاحب العمل لسبب غير مشروع: تعويض لا يقل عن اجر شهرين عن كل سنة (م 165).
العقد محدد المدة
✗ استثناء لما طبيعة العمل تقتضي (م 87).
✗ بينتهي بانقضاء المدة (م 154).
✗ بيتحول لغير محدد لو اتنفذ بعد انتهاءه من غير اتفاق مكتوب (م 88).
خطوات التجديد الصح
- قبل انتهاء العقد بشهر على الاقل حدد هتجدد ولا لأ ، وبلّغ الموظف كتابة.
- لو هتجدد: امضي ملحق تجديد مكتوب قبل تاريخ الانتهاء ، بنفس المدة او مدة مماثلة (م 87).
- اعمل الملحق من 4 نسخ زي العقد الاصلي (م 89) ، وحط نسخة في ملف الموظف.
- لو مش هتجدد: سلّم الموظف اخطار عدم التجديد قبل الانتهاء ، وجهّز مستحقاته.
- لو العقد او التجديدات هتعدي 5 سنين ، راجع حكم المادة 154 قبل التجديد.
الأثر العملي: العقد المحدد ما بيحميش الشركة لو اتجدد بالسكوت. ورقة تجديد واحدة متأخرة ممكن تحول كل العقود لعقود غير محددة ، وساعتها الانهاء محتاج اخطار 3 شهور ، والانهاء لسبب غير مشروع تعويضه لا يقل عن شهرين عن كل سنة.
اسئلة شائعة عن العقد محدد المدة
امتى يجوز عمل عقد عمل محدد المدة؟
لما طبيعة العمل تقتضي ذلك ، ويجوز تجديده باتفاق الطرفين لمدد مماثلة (المادة 87).
امتى العقد المحدد يتحول لغير محدد؟
لو استمر الطرفين في تنفيذه بعد انتهاء مدته من غير اتفاق مكتوب ، او لو كان غير مكتوب او من غير مدة (المادة 88).
هل في تعويض عند انتهاء العقد المحدد؟
العقد بينتهي بانقضاء مدته ، والمادة 154 بتقول لو الانهاء من جانب صاحب العمل العامل يستحق مكافأة اجر شهر عن كل سنة خدمة. راجع حالتك مع مستشار قانوني.
كام مدة الاختبار في العقد المحدد؟
نفس القاعدة: 3 شهور بحد اقصى ومرة واحدة مع نفس صاحب العمل (المادة 90).
خلاصة
العقد المحدد استثناء ليه سبب ، والتجديد لازم يكون مكتوب وقبل الانتهاء. والاستمرار من غير ورقة بيحول العقد لغير محدد من يوم ابرامه.
وفي الختام ارجو يكون المقال افاد حضراتكم ولو بجزء بسيط في الشغل.
عايز تراجع عقود الموظفين في شركتك؟
فريق كارييريانز بيراجع عقود العمل وملاحق التجديد ، ويوضح لك اي عقد اتحول لغير محدد ، ويجهز نماذج صح على القانون الجديد.
تابع ايضا:
تحميل نموذج عقد العمل محدد وغير محدد المدة
فترة الاختبار والفصل والتعويض في قانون العمل الجديد
تحميل نموذج انهاء عقد العمل بالتراضي
ملخص قانون العمل الجديد – اهم 20 تغيير
كمان تقدر تتابع قناتنا على اليوتيوب لمزيد من الشروحات: إتعلم Personnel
الاحكام منقولة من قانون العمل رقم 14 لسنة 2025 (المواد 87 و88 و89 و90 و154 و155 و156 و165). المقال للتوعية ، وكل حالة نزاع ليها ظروفها.
