ساعات العمل والراحة الاسبوعية والعطلات الرسمية 2027 في قانون العمل الجديد
ساعات العمل والراحة الاسبوعية والعطلات الرسمية 2027 في قانون العمل الجديد
النهارده هنتكلم عن ساعات العمل والراحة الاسبوعية والعطلات الرسمية في قانون العمل الجديد ، ودا لأن مع بداية كل سنة بيتكرر السؤال: “ايه اجازات السنة؟ ولو اشتغلنا فيها الموظف ياخد كام؟” ، وكمان القانون الجديد عدّل حاجات في جدول العمل لازم تتعلق في الشركة.
في المقالة دي هنعرف الحد الاقصى لساعات العمل وفترات الراحة ، والراحة الاسبوعية ، وقائمة العطلات الرسمية للقطاع الخاص طبقا لقرار وزير العمل ، والعامل ياخد كام لو اشتغل في يوم العطلة.
الاول متفقين إن القانون حط حد اقصى للتشغيل الفعلي: 8 ساعات في اليوم و48 ساعة في الاسبوع ، من غير فترات الاكل والراحة (المادة 117). واي ساعة زيادة عن كدا اضافي ليه احكامه ، والعطلات الرسمية اجازة مدفوعة بقرار من الوزير (المادة 129).
| ساعات العمل8 يوميا / 48 اسبوعيا | الراحة الاسبوعية24 ساعة مدفوعة | العطلات الرسمية12 مناسبة | السندالمواد 117 – 129 |
ساعات العمل وفترات الراحة
| القاعدة | الحد | السند |
|---|---|---|
| التشغيل الفعلي | 8 ساعات في اليوم و48 ساعة في الاسبوع | م 117 |
| فترات الاكل والراحة | ساعة على الاقل في مجموعها ، ومفيش اكتر من 5 ساعات شغل متصلة | م 118 |
| من بداية اليوم لآخره | 10 ساعات بحد اقصى (12 للاعمال المتقطعة اللي بيحددها الوزير) | م 119 |
| الراحة الاسبوعية | 24 ساعة كاملة على الاقل بعد 6 ايام شغل متصلة على الاكثر ، ومدفوعة الاجر | م 120 |
| جدول العمل | يتعلق في مكان ظاهر ، ونسخة منه للجهة الادارية خلال 7 ايام من تنفيذه | م 122 |
خلي بالك. الاماكن البعيدة عن العمران والاعمال اللي بتحتاج تشغيل مستمر ممكن تجمّع الراحات الاسبوعية لمدة لا تزيد عن 8 اسابيع ، بقواعد بتحددها لائحة تنظيم العمل (المادة 120). وفي فئات مستثناة من بعض الاحكام دي زي الوكلاء المفوضين وعمال الحراسة والنظافة (المادة 123).
العطلات الرسمية للقطاع الخاص
قرار وزير العمل رقم 294 لسنة 2025 حدد العطلات والاعياد والمناسبات اللي بتعتبر اجازة بأجر كامل للعاملين بالقطاع الخاص:
| المناسبة | عدد الايام | الموعد |
|---|---|---|
| رأس السنة الهجرية | 1 | اول المحرم |
| المولد النبوي الشريف | 1 | 12 ربيع الاول |
| عيد الفطر | 2 | اول وتاني ايام شوال |
| عيد الاضحى | 3 | يوم عرفة واول وتاني ايام العيد |
| عيد الميلاد المجيد | 1 | 7 يناير |
| عيد ثورة 25 يناير وعيد الشرطة | 1 | 25 يناير |
| شم النسيم | 1 | الاثنين التالي لعيد القيامة |
| عيد تحرير سيناء | 1 | 25 ابريل |
| عيد العمال | 1 | 1 مايو |
| ثورة 30 يونيو | 1 | 30 يونيو |
| ثورة 23 يوليو | 1 | 23 يوليو |
| عيد القوات المسلحة | 1 | 6 اكتوبر |
12
مناسبة
15
يوم في السنة
7
مواعيد ثابتة
5
مواعيد متغيرة
المواعيد الهجرية وشم النسيم بتتغير كل سنة ، وبتتحدد برؤية الهلال وبقرار سنوي ، فما تعتمدش على اي تاريخ تقريبي قبل ما القرار يصدر. والقرار بيدي الوزير الحق ينقل يوم العطلة لأول او آخر الاسبوع لتوحيد الاجازات على مستوى الدولة ، زي ما حصل مع عيد القوات المسلحة 2026 اللي اتنقل من الثلاثاء 6 اكتوبر للخميس 8 اكتوبر.
الشغل في يوم العطلة او يوم الراحة
يوم العطلة الرسمية (م 129)
✓ لصاحب العمل يشغّل العامل لو ظروف العمل اقتضت.
✓ العامل ياخد اجره عن اليوم + مثلين الاجر ده.
✓ او ياخد يوم تاني بدله بناء على طلب كتابي منه يتحفظ في ملفه.
يوم الراحة الاسبوعية (م 121)
✗ التشغيل لمواجهة ظروف غير عادية مع اخطار الجهة الادارية خلال 7 ايام.
✗ العامل ياخد مثل اجره تعويضا عن اليوم.
✗ وصاحب العمل يديله يوم راحة تاني خلال الاسبوع اللي بعده.
مثال
موظف اجره اليومي 500 جنيه ، اشتغل يوم عيد العمال 1 مايو ، ومطلبش يوم بدل :-
اجر اليوم العادي = 500 جنيه
مثلي الاجر = 500 × 2 = 1,000 جنيه
يستحق عن اليوم = 500 + 1,000 = 1,500 جنيه
الأثر العملي: اغلب الشركات بتصرف “يوم بيوم” او “يوم ونص” عن الشغل في العطلة ، والقانون بيقول اجر اليوم + مثليه ، او يوم بدل بطلب كتابي من العامل. واليوم البدل من غير طلب كتابي ما بيحميش الشركة. اعمل نموذج طلب يوم بدل وحطه في ملف الموظف.
اسئلة شائعة عن ساعات العمل والعطلات
كام ساعات العمل في قانون العمل الجديد؟
8 ساعات في اليوم و48 ساعة في الاسبوع تشغيل فعلي ، من غير فترات الاكل والراحة (المادة 117).
كام عدد العطلات الرسمية للقطاع الخاص؟
12 مناسبة بإجمالي 15 يوم طبقا لقرار وزير العمل 294 لسنة 2025.
العامل ياخد كام لو اشتغل يوم العطلة الرسمية؟
اجره عن اليوم + مثلي الاجر ده ، او يوم تاني بدله بناء على طلب كتابي منه (المادة 129).
هل الراحة الاسبوعية مدفوعة؟
ايوه ، 24 ساعة كاملة على الاقل بعد 6 ايام شغل على الاكثر ، ومدفوعة الاجر في كل الاحوال (المادة 120).
خلاصة
8 ساعات يوميا و48 اسبوعيا ، ساعة راحة على الاقل ، 10 ساعات من البداية للنهاية ، يوم راحة مدفوع بعد 6 ايام ، و12 مناسبة رسمية مدفوعة. واللي يشتغل في العطلة ياخد اجره + مثليه او يوم بدل بطلب كتابي.
وفي الختام ارجو يكون المقال افاد حضراتكم ولو بجزء بسيط في الشغل.
عايز تنظم جدول العمل والاجازات في شركتك؟
فريق كارييريانز بيجهز لائحة تنظيم العمل وجدول ساعات العمل وسياسة الاجازات طبقا لقانون العمل الجديد.
تابع ايضا:
طريقة حساب اجر الاضافي وساعات العمل وفقا لقانون العمل الجديد
الاجازات في قانون العمل الجديد
تحميل لائحة الحضور والانصراف word
تشغيل النساء في قانون العمل الجديد
كمان تقدر تتابع قناتنا على اليوتيوب لمزيد من الشروحات: إتعلم Personnel
الاحكام منقولة من قانون العمل رقم 14 لسنة 2025 (المواد 117 الى 123 و129) ، وقائمة العطلات من قرار وزير العمل رقم 294 لسنة 2025 كما نشرت نصه الصحف في 26 ديسمبر 2025. المواعيد الهجرية وشم النسيم بتتحدد بقرار سنوي.
